धरान  वडा नं २६ को सभाहलमा  मिति  २०७२/०३/२४  

यही मिति २०७३ अषाढ २४ गते शुक्रवारका दिन धरान उपमहानगरपालिका वडा न २६ समितिको  भवनमा  दिनको 12 बजेदेखि "धरान उपमहानगरपालिकाबाट उपलब्ध गराइएका सेवा" विषयक सार्वजनिक सुनुवाइ कार्यक्रम धरान उपमहानगरपलिकाको आयोजना तथा महिला संजाल धरान उपमहानगर समितिको व्यवस्थापनमा सम्पन्न भयो ।धरान उपमहा नगरपालिकाका कार्यकारी अधिकृत श्री टीकादत्त राईको अध्यक्षतामा विभिन्न सरोकारवाला निकायका प्रमुख तथा प्रतिनिधिहरु र नगर स्तरिय राजनीतिक संयन्त्रका प्रमुख तथा प्रतिनिधिहरुलाई अतिथि राखिएको यस कार्यक्रममा राष्ट्रिय गानबाट सुरुवात गरिएको थियो।राष्ट्रिय गान पश्चात भेलामा उपस्थित सम्पुर्णलाई धरान उप महा नगरपालिकाका  बरिष्ठ ईन्जिनियर श्री सूरज श्रेष्ठद्धारा स्वागत मन्तब्य राखिए पछि उक्त कार्यक्रममा नगरपालिकावाट उपलब्ध गराईदै आएको सेवा तथा सुविधf साथै यस आ व मा भएका अन्य २ वटा सार्वजनिक सुनुवाईमा उठाईएका सवाल तथा यसै  आ व मा वडा नं २४ २५ २६ र २७ मा नगरपालिका  कार्यालयको साझेदारीमा सम्पन्न गरिएका मुख्य क्रियाकलापहरुको वारेमा भक्तिराज शर्मावाट कार्यपत्र प्रस्तुत गरियो।कार्यक्रमलाई ब्यबस्थापनको जिम्मा लिएको साझेदार संस्था महिला संजाल धरान उपमहा नगर समितिवाट कार्यक्रममा चेतना श्रेयङले उदघोषण गरिएको उक्त कार्यक्रमा  प्रारम्भमा संजालका सदस्य सुनीता के सी वाट   बहिर्गमन अभिमत (Exit Pool) तथा नागरिक अभिमत पत्रको प्रतिवेदन प्रस्तुत गरिएको थियो भने गंगा वरालवाट आचार संहिता वाचन भएको थियो भने सविता राईवाट कार्यत्रम सहजीकरणा भएको थियो ।

                       जिज्ञासा तथा सुझाव  राख्ने महानुभावहरू (मुख्य मुख्य मात्र टिपोट गरिएको छ )

          भेलालाई थप प्रस्ट्याउने कार्य राजनीतिक दलका प्रतिनिधिहरुमा नेकपा माओवादी केन्द्रका सम्फर तामाङ्ग , ने क पा एमालेका धरान उप-महानगर सचिव राजमणी निरौला र नेपाली काङग्रेसका पदमवहादुर लिम्वु लगाएतका प्रतिनिधिहरुवाट पनि सम्वोधन गरिएको थियो ।

      ७६ जना भन्दा वढिको सहभागिता रहेको उक्त कार्यक्रममा ४५ जना भन्दा वढी महिलाहरुको सहभागिता  रहनु र विषेश गरी जनजाती समुदायको उल्लेख्य उपस्थिति रहनु र कार्यक्रमलाई महिलाहरुको सक्रिय सहभागिता साथै उपस्थित मध्ये करिव २६ जना सम्म प्रतिनिधिहरुले कार्यालयलाई आवश्यक सुझाव र जिज्ञासा राख्नु र सो विषयमा सम्वन्धित पक्षवाट सहजीकरण हुनु यस कार्यक्रमको सफलता मान्न सकिन्छ भने प्रत्यक्ष रुपमा नगरवासीहरुलाई परेका अप्ठारा काम र गुनासाहरु सम्वन्धित पदाधिकारी समक्ष राखी सुसुचित हुने अधिकार यस कार्यक्रमले उपलब्ध गराएको हुँदा नगरपालिकाकालगि यो कार्यक्रम फलदायी भएको निचोड तथा निस्कर्ष रहेको छ । कार्यालय भन्दा टाढाको क्षेत्रमा यो कार्यक्रम संचालन हुनु र पहुँच बाहिरका वासिन्दाले प्रत्यक्ष कुराकानी तथा सवाल जवाफमा सहभागी हुने अवसर पाउनु अर्को सफलता मान्न सकिन्छ । साथै निम्नतम सर्त कार्य सम्पादन तथा मुल्याङकनका लागि पनि यो कार्यक्रम अपरिहार्य भएकोछ ।यस कार्यक्रमको प्रत्यक्ष प्रसारणमा कृति च्यानलवाट प्रशारण र स्थानिय एफ एमवाट रेकर्डेट समाचार समेत प्रशारणको ब्यबस्था मिलाईएको हुँदा अनुपस्थित नगरवासीहरुले घरमै वसेर समेत प्रत्यक्ष हेर्ने र सुन्ने अवसर मिलाईएकोमा आयोजक तथा ब्यबस्थापक पक्षले विगतको कार्यमा सुधार ल्याएको छ साथै धरान उपमहानगरवासीलाई प्रत्यक्ष सहभागी हुनकालागी विधुतिय माध्यमको प्रयोगका साथै स्थानीय मिडियामा सूचना प्रकाशन गरी नगरवासीहरुलाई सुसूचित गराईएको र कार्यक्रममा सहभागीहरु तथा निमन्त्रण गरिएका अतिथिहरुलाई बस्ने र खाजापानीको उचित ब्यबस्थापनहुनु कार्यक्रमको सकारात्मक पक्ष रहेको पाईन्छ ।

निष्कर्ष

• धरान नगरपालिका कार्यालयद्वारा जारी गरिएको नागरिक वडापत्र २०६३ संशोधन सहित २०६८ अनुसार नगरपालिकाबाट सेवा लिन चाहने सेवाग्राहीलेनगरपालिकाबाट दिईने सेवा सुविधामा सार्वजनिक बहस मार्फत २०७३/०३/२४ गते सार्वजनिक सुनुवाई सम्पन्न गरियो ।
• नगरपालिकाबाट दिईने सेवा सुविधा ८ वट शाखाबाट ५० वटा विषयगत सुचीको जानकारी लिनेदिने कार्य भएको छ ।साथै विगतमा सम्पन्न भएका सार्वजनिक सुनुवाईको सवाल तथा प्रतिवद्धताका वारेमा पनि कार्यपत्र मार्फत सरोकारवालालाई सुसुचित गराईएको छ । विषयगत र सुचीगत रूपमा व्यापक छलफल बहस केन्द्रित हुन नसके पनि केहि विषयमा जानकारी लिनेदिने कार्य भएकोछ ।
• यो छलफलमा २६ जना भन्दा बढि सेवाग्राहीले मौखिक रुपमा सुविधामा भएको कमी कमजोरी माथि जिज्ञासा राख्ने काम भएको छ । भविष्यमा यस्ता कार्यक्रममा बढीभन्दा बढि सहभागिता गराउन सरोकारवाला सबैको दायित्व रहने प्रतिबद्धता जाहेर गरिएको छ ।
• महिला संजाल धरान नगर समितिको व्यवस्थापनमा भएको यो कार्यक्रमलाई सहज गरिदिनहुने नगरवासी, नगरपालिका, मिडियाकर्मी,  संघ संस्थका प्रतिनिधिहरू सवै धन्यवादका पात्रहरू भएको अनुभूति गर्न सकिन्छ । भविष्यमा हुने यस्ता कार्यक्रममा सबै नगरवासीको सहयोगमा मात्र सम्पन्न हुने आजको निष्कर्षको विषय रहयो ।