धरान नगरपालिका > पर्यटन > धरानको पर्यटकीय स्थिति

	धरानको पर्यटकीय स्थिति
	धरान पर्यटकिय सम्भावना वोकेको सहर हो । नेपालको पूर्वी पहाडी जिल्लाहरुको प्रवेशद्वार तथा पहाड र तराईको संगम स्थल, भौगीलिक स्थिति, हावा पानी, यहाँ रहेका विभिन्न धार्मिक तथा ऐतिहासिक महत्वका स्थलहरु साथै यसका आसपासमा रहेका विभिन्न धार्मिक तथा पर्यटकीय महत्वका स्थल तथा वस्तुहरुले यसको पर्यटकिय सम्भावनाहरुलाई देखाउदछ । धरानको शिरानमा रहेको विजयपुर डाँडा र त्यहाँ रहेका विभिन्न धार्मिक तथा ऐतिहासिक महत्वका मठमन्दिरहरु र ती मन्दिरमा विभिन्न समयमा लाग्ने धार्मिक मेलाहरु, वाह्रै मास चिसो हावा पानी पाइने भेडेटार तथा वेलायका युवराज चार्ल्स चढेको पहाड चार्ल्स प्वाइन्ट (भेडेटार भ्यू टावर) तथा धरानमा विकसित हुदै गरेका विभिन्न पार्कहरुले धरानलाई पर्यटकीय केन्द्रको रुपमा विकास हुन सहयोग पुर्याएका छन । धरानको आसपासमा रहेका धार्मिक महत्वका स्थानहरु र त्यहाँ लाग्ने मेला बराहक्षेत्र, विष्णुपादुका, रामधुनी, पञ्चायनधाम आदिले पनि धरानको धार्मिक पर्यटकीय महत्वलाई थप टेवा पुरयाएका छन । त्यस्तै कोशी टप्पु वन्यजन्तु आरक्षले पनि धरानको पर्यटकीय विकासलाई सहयोग पुर्याधएको छ । धरानबाट पूर्वी पहाडी जिल्लाका रमणीय ठाउँहरु धनकुटा, ताप्लेजुङ्ग, कुम्भकर्ण हिमाल, कन्चनजंगा हिमाल, मकालु वरुण राष्ट्रिय निकुन्ज, अरुण उपत्यका, तिनजुरे, मिल्के (लालिगुराँस क्षेत्र), गुफा पोखरी, सभा पोखरी, ह्यात्रुंग झरना आदिको प्रवेश मार्ग भएकाले पनि यसको पर्यटकीय महत्व उच्च रहेको छ । धरानका विभिन्न जाति जनजातिहरुका सांस्कृतिक र परम्परागत रहनसहन तथा रितिरिवाजले पनि पर्यटकीय महत्वलाई सहयोग पुर्‌याएको छ । राई जातिको चण्डीनाच, लिम्बू जातिको धाननाच, नेवार जातिको लाखेनाच, गाईजात्रा, तामाङ्ग जातिको शेलो, गुरुङ्ग जातिको रोदीधर तथा क्षेत्रीवाहुन जातिको बालननाच तथा संगिनी आदिको लागि पनि धरान महत्वपूर्ण थलोको रुपमा रहेको छ ।

	धरानका अन्य पर्यटकीय सम्भावनाहरु
	सप्तकोशी नदीमा रयाफटीङ्ग साथै चतरा देखि कोशी ब्यारेज सम्म नौका दौड भेडेटारबाट प्याराग्लाइडीङ्ग पञ्चकन्या नेचुरल पार्कलाई मिनि जु को रुपमा विकास गर्ने पञ्चकन्या जंगलको सिरानमा रहेको किरातकालिन दरवारको भग्नावशेषको उत्खनन चारकोशे झाडीलाई संरक्षण र संवर्धन गरी विभिन्न जैविक विविधताहरुको संरक्षण धरान विष्णुपादुका बराहक्षेत्र केबलकार संचालन गल्फ प्रतियोगिता (अन्तराष्ट्रिय स्तरको) बाबाधाम मेलाको थप प्रचार प्रसार तथा व्यवस्थापन धरानमा विमान स्थलको निर्माण

	पर्यटन विकासका लागि नगरपालिकाको प्रयासहरु
	न‌.पा.को भौतिक पूर्वाधार विकासमा जोड धार्मिक पर्यटनको विकासका लागि हरेक वर्ष लाग्ने पिण्डेश्वर बाबाधाम मेला, वराहक्षेत्र मेला तथा विष्णुपादुका मेलाको संचालनमा सहयोग नगरपालिकाको संयोजनमा हरेक वर्ष अन्तराष्ट्रिय आमन्त्रण वुढासुव्वा फूटवल प्रतियोगिताको संचालन धरानका जानकारी र प्रचार प्रसारका लागि हरेक वर्ष व्रोसियरको प्रकाशन धरानको सिरमा रहेको भेडेटार र धरानको फोटो छपाई तथा वितरण धरान महोत्सवको आयोजना धरान सम्बन्धी जानकारी मूलक वेभ पेजको निर्माण घण्टाघर निर्माण सप्तरङ्गी पार्क तथा पंचकन्या नेचरल पार्कको विकास निजी क्षेत्रमा संचालित यलम्बर पार्क आदिको विकासमा सहयोग