सूचना
सहरी सामुदायिक स्वास्थ्य केन्द्र
धरान उप-महानगरपालिकाको दीर्घकालीन सोच मध्ये धरानलाई स्वास्थ्य उपचारका लागि पूर्वाधारयूक्त सहर बनाउन साथै गरिव पिछडिएका र अशिक्षित सबैले सर्व सुलभ तरिकाबाट सामान्य स्वास्थ्य उपचार प्राप्त गर्न सकुन भन्ने अभिप्रायले गरिब तथा पिछडिएका वस्तिहरूलाई प्राथमिकता दिएर धरान उप-महानगरपालिकाद्वारा विभिन्न वडामा मातृ शिशु स्वास्थ्य क्लिनिकहरूको संचालन गरी आएकोमा सो को प्रभावकारी नतिजाहरूका कारण सो क्लिनिकहरूको कार्यक्षेत्र विकास गरी हाल सहरी सामुदायिक स्वास्थ्य केन्द्रको रूपमा विकास गरेर लगिएको छ । हाल त्यस्ता केन्द्रहरू वडा नं ११, १३, १४, १५, १६ र १७ गरी जम्मा ६ वटा संचालनमा छन् ।
सम्बन्धित वडाका वडवाजीहरूको भेलाबाट जिल्ला संचालक समितिको गठन गरी संचालन भई रहेका क्लिनिक जिल्ला जनस्वास्थ्यबाट केहि औषधिहरू उपलब्ध हुन्छ । भने धरान उप-महानगरपालिकाले पनि संचालनका लागि बजेट विनियोजन गर्दै आएको छ ।
केन्द्रका उद्देश्यहरु
- मातृ तथा शिशुजन्य रोगको रोकथाम गर्ने ।
- मातृ मृत्युदरमा कमी ल्याउने ।
- सहरी युवा युवतीहरूको प्रजनन स्वास्थ्य स्थितिलाई बढाउने ।
- नवजात शिशुको मृत्यु दर र गर्भ अवस्थामा देखिने ।
क्लिनिकबाट हुने क्रियाकलापहरू
- गर्भवती महिलाहरूको नियमित स्वास्थ्य परीक्षण
- भिटामिन आइरन चक्की जस्ता ओषधि निःशुल्क वितरण
- बालबालिकाका लागि नियमित खोप
- बच्चाहरूको तौल लिने ।
- महिलाहरूलाई परिवार नियोजन सम्बन्धी अस्थायी साधन वितरण गर्ने